呢篇忠言勝在態度真係算係咁，講得中point，睇得出真係著緊件事。可幸嘅係，根據台灣友人所講，件事真係唔算掀起好大波瀾，大家吸收到教訓係最緊要。
政治智慧係要時間累積，要努力培養，做得唔好，只要改過遷善，理應萬事有商量——因此喺呢件事上面，我所睇到嘅都只係一如之前講過嘅，我地香港檯面上仍然未有最適當嘅人，只係因為最適當嘅人呢個時候唔會去做呢啲事。
呢幾年，其實係畀香港人精進自身嘅緩衝期，跑得夠快者，將來就會成熟成才，不知藏拙者，將來亦自然會跌返落去。一剎那光輝唔代表永恆，真正難嘅係生生不息，燒極都有咁樣發光發熱。雖然時間永遠都唔等人，我每日都會覺得24個鐘唔夠用，但戰爭尚未爆發，佢地係有時間成長嘅。
如果我地想香港後生仔他日有一番成就，今日就應該寬容對待。有熱誠，自然會反省，唔反省，就還請大家繼續提出忠言。佢地嘅問題首先出喺態度，而非外交知識，呢點網絡上面其實大把人同樣未做得好，人皆有之，何必苛責呢。
Search